أضحك ...كركر

موضوع: أضحك ...كركر الأربعاء مايو 28, 2008 6:11 pm

سواق ماشى ع الطريق واحد لابس احمر فى احمر شاورلة فوقف السواق و قالة انت مين و عايز اية قالة انا الفرفور الاحمر و عايز

توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية

قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة

نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت

بقى الفرفور الابيض فقالة الراجل فرفور اية رخصك يا روح امك

واحد نازل من بيتهم شعره منكوش صحابه بيقولوله شعرك منكوش ليه؟ قالهم "منكوش" دعوه

واحدة حامل فى ثلاث توائم يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب

وطلع الطفل الثانى لقاح زى أخوه قعد يضربه لما فاق وركنه ..... جه الدكتور يدور على الطفل الثالث مش لاقيه راح ماشى وقال

للممرضة كملى لأنهم اثنين بس ...... الممرضة جت تكمل لقت الطفل الثالث طالع براسه بالراحة وبيسألها ... هو الراجل اللى بيضرب

العيال مشى ولا لسة؟

بلدياتنا زعلوا من النكت اللى بتتقال عليهم فكتبوا النكت كلها ورموها فى البحر فتانى يوم لقوا السمك كله ميت من الضحك

. التلميذ : بحبك يا أبله و عاوز أجوزك...المدرسه: بس أنا مبحبش الأولاد الصغيرين...التلميذ: وأنا مش مستعجل على الأولاد.

ثلاثه اتفققوا علي مين يجيب اكبر قطه,الأول قال انا هاقعد شهر و هاجيب القطه, فعلا بعد جاب قطه كبيره,التاني قال انا هاقعد خمس شهور

وهاجيب قطه اكبر من الأولاني وجاب واحده اكبر من الأولاني جه التالت قال هاقعد سنه و اجيب قطه اكبر من القطتين دول و قعد خمس

سنين المهم راحوا يدوروا عليه لقوه قاعد مع فيل وعمال يقوله هاتنونو يعنى هاتنونو

طبيب نفسى اشترى ساعة سيكو عالجها بالصدمات

طفل اتولد و ظل 5 سنين لا يتكلم, اول كلمة قالها(خالي)بعدها بيوم خاله مات ومر اسبوع و اتكلم الولد مرة ثانية و قال اخويا بعدها بيوم

اخوه مات ومر اسبوع آخر والولد قال بابا فكتب الاب وصيته بعدها بيوم جارهم مات

فرخه اتجوزت فيل، خللفوا ولد سمموه تشيكن فيليه

فيل على علاقة بنمله قرر فجأه ينهى العلاقه فقالت النمله وهى تترجاه ارحمنى و ارحم الفيل إلى فى بطنى

مره واحد عصبي ضرسه وجعه راح للدكتور وقال له اخلع كل ضروسي وخليه زيالكـلب لوحده

في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف،

التلميذ: مش هيرجع حاجه يا استاذ ، الاستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا

ابني انت متعرفش حاجه في الحساب، التلميذ: انت اللي متعرفش ابويا يا استاذ

مرة واحدة ست بتقول لجارتها الحقيني يا أم محمد بعت جوزي يجيبلي ملوخية خبطته عربيه... يالهوي وعملتي إية .. عملت بامية وامري لله

واحد قاعد على قهوة وكل ماتفوت واحدة حلوة يعيط .. فسألة زميلة بتعيط ليه رغم انها حلوة..؟ قال له انا مش بعيط على دى ..انا بعيط على اللى فى البيت

واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال

له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله

نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم

مرة واحد مخنوق من الدنيا كلها رن جرس الباب الساعة 10 صباحا فتح الباب لقى وحدة مذيعة بتقله ممكن نعرف بتعمل ايه لما تقوم من النوم

قال انا بقوم من ام النوم

اروح ام الحمام

اغسل ام وشى

اروح ام الاوضه

اقلع ام الترنج

البس ام البنطلون

انزل من ام الشقة

اركب ام الاتوبيس

انزل من ام الاتوبيس

اروح ام الشغل

وبعد ما اخلص ام الشغل

ارجع ام البيت

وخلاص

فقالت المذيعة شكرا يا فندم ويلعن ام البرنامج اللى خلانا نشوف ام وشك